Мой сайт Понедельник-Атяньчи, 26.06.2017, 05:04
Приветствую Вас Гость | RSS
Главная | Регистрация | Вход
» Меню сайта

» Наш опрос
Оцените мой сайт
Всего ответов: 369

Главная » 2007 » Сентябрь-Таштамков » 25 » Встреча нового года -Од иень кенярьксчи
Встреча нового года -Од иень кенярьксчи
09:21

Од иень Кенярьксчи ( ютавтови якшамковонь 13-це чисте Шумакува велинесэ Оренбург енкс, Северной буе, истя келя ютавтнесть те кенярьксчинть весе кезерень эрзятне). 


Од иень Кенярьксчись ютавтови калядамонь читнеде мейле, сон васняяк кудораськень Кенярьксчи, ансяк

кеместэ сюлмавозь вейс веси койтне конатне ютавтневить 21 ацамговсто саезь якшамковонь14 –це чис.
Валске, кудазоравась, ушты оди ень каштом. Ушоды панеме прякат, пешть, Шумбракши, чапамо пачалксеть, пиди селянка, эли капста ям, суронь каша, кулага.Те чинтень аноколь поза-пуре, эйкакшнене медьарво. Иредцтыця симемапельть (ченькс, вина) а мереви таргсемс, кода лията эрзянь покшчитнестедяк. Семс знярс кудонь раськетне удыть, авась анокстасы кенярксчинь морга, конатась ацазь мазый од морга руцясо.Чапакспарьс кадовозь чапакстонть паневи Кардосярконтень ды кудонькирдиенте анокскши. Нама кенярксчиденть икеле уштови сэрдянь баня, ков терьдсызь Сэрдятнень шлямо ливапсызь лемест. Кудораськень ломанте оршнить шлядомадо мейле од ванькс оршамопельсе. Анокстави сонсь кудопотмосьдяк, понгавтовить ванькс шаршавт, кудось шлязь-нардазь цитни. Азоравась оршни эрзякс. Те кенярьксчись канды покш лув, сон сюлмавозь чинть веньлангсо изнямозо, чись минутань-минутань кармась касомо, весень мелест од вадря полавксто эрямосост, эйкакшнене явови покш мель те чистенть эдь сынь икелечинек. Ванна моргась Анок, веси кудораськень ломатне пурнаввсть. Азоравась кирвасти штатол, ды ютавты Од иень кудонь озкс.
Я. Инешкипаз! Вере Чипаз!
Ознотано икелеть, илязо колавт мелеть.
Тонеть кепедьсынек кеденек,
Масторавантень нолдасынек сюкпрянок.
Ашо кеднесэ, валдо мельнесэ анокстынек Од иень морганок!
Кундасынек-ливасынек буень Покштянок_Сэрьдянок.
Инешкипаз! Тонь, чангот маро ютавсынек Од иень озксонок.
Од иесте, ансяк Шумбрачиде- пазчангодо арсеманок-мелявксонок,
Раштаст сы иесте ракшанок, чачост –касост
видевксенек-норовонок,
Шубрат кассост, превейть улесь эйкакшонок.
Озксонок маринк, аноксонок саинк, пачкодезе –молезе,
Весемене лезе улезе, мезе вештяно сень максодо,
Мезьде пельдяно сеньде ванстодо.
Ванстымизь апародо-зыяндо, даволдо-цярахмандо,
Сельмень сявадыцядо - раужо ойме муницядо,
Кажочиде, пожардо, ули-паронь салыйде.
Норов-сюродо, эмеж-эмежде пешксет улест утомонок.
Ракшань-ракшадо кардазонок.
Покштянок-Сэрдянок свал уледе мартонок,
Седейсэнек-мельсенек, унксонок-верьсенек,
Лездадо-ванстадо, весе тевень-тевсэнек.
Варчинк озно озкспалонок, Од иень Кши-салонок.
Паз, чангодть! Инешкипаз, чангодть! Вере Чипаз, чангодть!
Веси колмоксть сюконить ды азоравась штатолсонть чанстясы колмоксть од иень морганть, ютавты теи колот чилисема ендо чивалгома енов морганть велькска, мейле чанстясынзе эйкакшнень, покшнень, кудопотмонть.
Саи пеель ды керьсесы палтонь палт Од иень Шумбракшинть, максы весеменень, путы озкспалне каштомавантень, эрьвейкесь мери _Од иень пазчангодт! Озыть ды ушодыть од иень каванямкатнень варчамо. Знярдо ярсамотне прядовить. Кудазорось сти кепедьсынзе кедензе верев ды мери:- Сюкпря , ютазь иенте, коната ютась парсте-сюпавсто, кады иень перть морганок свал ули сюпав кши –салсо, кудораськенек Шумбрачисэ! Паз чангодть! веси кепедьсызь кедест верев ды седейшкава сюконить евтыть эсь пачкаст ютазь иеньтень.
Азоравась саи пачалгосо Шумбакши палт, путы чакшкес суронь каша, лиси кардазов явшесы кшинть ракшатнене, кашанть путсы Кардо-сярконтень. Эйкакшне пурныть-сэрнить ушов Од иень толбандянь тееме. Эрьвась чить аноксты эстензе кандома тол , сон тееви каштомонь тонолсто конат путовить толпаргинес , коната уськень пиксвельде понгавтозь.тонолнень валнылизь кансеройсе, каилть тозонь сувтамо тикшеть ды Шубракшинь паморькскеть. Азоравась саи од тенсть ды кудомотмонть эрьва ужосто карми тенсеме кенкшенть енов ды тенсемстэ мери : _я .Паз чангодть! Те авуль чукш-сор панян, тенсян те весе апаронть_ беряненть кудопотсто, ливтян,Паз, чангодть!
Мейле сень мезенть тенсизе каясы сехти вишкине эйкакшонть толпаргонтень, сайсы штатолонть ды весемень толпарготнень сыремсынзе. Эрьва эйкакштнень зепест пештясынзе од иень каванямкасо ды илтясынзе эйкакшнень вейсень кужов.
Од иень толбандянть анокстасызь лей чиресэ, од цератне чить тов кальнить пенгт. Тарадт. Велень куринкатнева бизмолдозь чийнить эйкакшне толпаргост марто, каванить вейкест-вейкест пештинесэ, Ды гайтевсте серить Од иень пазчангодт! Панить чопуданть , апаронть велестенть, прок палы лей толбаргонь кандыйтне пурнавить толбандянь кужонтень ды мирем каясызь толпаргосстост толбандянте тонолтнень ды сергедить Пазчангодт! Од ие! Од ие!
Ушодыть налксемат, киштемат морамот, эйкакшне тонгонить чамакст, оршнить овтокс, знярдо толбандясь сутями ушодыть кирнвтнеме сонзе велькска, эряви колмооксть кирнявтомс мекев-васов, те ваньскавты чопуда вийтнеде, евтамонь коряс истямо коесь пани велестенть орматнень-зыянтнень.Седи ероков од цератнень каясызь пильгестест тонгомкаст ды кепе якилть од иень толбандянь тонолтнень ланга. Киньдяк пильгеалксонзо а пицевкшны. Налксемадо мейле покше ильтсязь вишкинетнень кудова, сыньсь сыргить мунямо. Чачочачос ваномо. Наа од ломантнень веси мелест вечкемадо, поладо икелечинь содамось.Седи домкасто теть мунямотнеде ловнодо Шеньга покшчидень сермадовсксонть.
Сыретне те чокшненть якить инжекс раськест туртов, васняяк содвтсызь сыретнень, середицятнень, нама сынь якитьавуль чавонь кедь туильть мартост од иень покшчинтень анокстазь ярсамопельть, нама арсесть Од иень Пазчангодт1 ды шумбрачи. Талай малав пелевес моли веленть од еинь бизмолдомась, пелевесте азоравась мадстясынзе вишкинетнень, тодовост Алов каи комулят, цяпортикше, те максы шумбрачи ды превть, арси эйкакшнене паро онт. Валске азоравась кевксы эйкакшонть кодамо он несь,од иень онтне икелечинь невтицят.Пелевесте Азоравась келейсте панжсынзе ортатнень , кудокенкшнень, од иенть тердемга – нолдпмга евты истямо озолма:
Я. Паз, чангодть! Инешкипаз , чангодть!
Ташто иесь тусь, од иесь кудозонок сась.
Ламо уцяска, шумбрачи, эрьме.,
Миненек сон кандсь.
Ракшань-ракшасо, сбронь-сюросо,
Шумбрачинь-шуьбрачисэ од ие тенек алтась.
Панжадо кудокенкшсэ, келей панжовт ортасо,
Од иенть нолдаса, валдо оймесе вастаса.
Од косыря ортапес тонган, апаронть
Кудосто-кардайсте пирян.
(Тонги косыря орта пес, нерезе лисезе ушоенов)
Совак-сак Од ие, казть- невть тенек валдо кие!
Паз, чангодть! Инешкипаз, чангодть! Паз чангодть! 

Ванна од иесь нолдазь, Покштятнень лемест кундазь, Ракшатне чанстязь, каштомавантень. Кардо-сярконтень мель путозь.Азоравась мади, валске тензе стяма рана, од иень морганть анокстамга. Моргась ацави ашо руцясо викшневкстеме (од иень эрямось ушодови одс, секскак ацакась улезе ашо ванькс, кода мельтне-арсематне). Азоравась кирвасьти Пазонь штатол, знярдо веси стить весе вейкене-вейкене мерить Од иень Од чинь Пазчангодт. Моргась таго пешксе эрзянь ярсамопельде.
Кудазорось ютавты од иень од чинь озкс.
Инешкипаз! Веречипаз, чангодть! Паз, чангодть!
Неемизь, марямизь!
Ознотано икелеть, верев кепедьсынек кеденек,
Масторов нолдасынек сюпрянок.
Инешкипаз, Веречипаз! Тонь аравт-азов,т Кирдийтне!
Буень Покштятне-Сэрдятне. Тоначинь эрийтне!
Уледе чисте, уледе весте, уледе килангов лисемстэ,
Уледе ашемсте, тевень теемсе, уледе эрьваендо,
Ванстадо, лездадо, мезе вештяно- максодо,
Мезде пельдяно ванстодо. Ознопалонок саеде!
Пачкодезе- молезе, весемене лезе улезе!
Кода од иень чись, вадрясто , сюпавто ушодови,
Кадык истя шубрасто парсте сонсь сы иесь прядови.
Паз Чангодть! Инешкипаз чангодть! Паз чангодть!
Кирдийть ашийть, поктят-сэрдят, кудораськеть адядо,
Морга экшес озадо, оди од чинь ярсамопелень варчамо.
Сюк! Сюк , Весемене, ды позонь чансть!

Кудораськесь ушоды од чинь ярсамопелень варчамо, тагояк эйкакшнень кучнесызь ярсамопель марто, сеть ломатнене конатне эрить нужачисэ, сэредить, раськест туртов. Эдь седи лама валдо оймесэ мезияк максат киненьдяк, Инешкипазонть кемень кирда теть максы эрьме.
Анокстыцясь Пургазонь Викай 2003-це иестэ
Просмотров: 544 | Добавил: erzyany-rasyke | Рейтинг: 0.0/0 |
Всего комментариев: 0
Имя *:
Email *:
Код *:
» Форма входа

» Календарь новостей
«  Сентябрь-Таштамков 2007  »
ПнВтСрЧтПтСбВс
     12
3456789
10111213141516
17181920212223
24252627282930

» Поиск

» Друзья сайта

» Статистика


Copyright MyCorp © 2017
Сделать бесплатный сайт с uCoz