Мой сайт Среда-Куншкачи, 23.08.2017, 07:07
Приветствую Вас Гость | RSS
Главная | Регистрация | Вход
» Меню сайта

» Наш опрос
Оцените мой сайт
Всего ответов: 369

Главная » 2007 » Сентябрь-Таштамков » 26 » ЭРЗЯНСКАЯ ТРАДИЦИОННАЯ РЕЛИГИЯ-ЭРЗЯНЬ РАСЬКЕНЬ ПАЗНЕ КЕМЕМАНТЕ "КИЛЕЙ ОЗКС
ЭРЗЯНСКАЯ ТРАДИЦИОННАЯ РЕЛИГИЯ-ЭРЗЯНЬ РАСЬКЕНЬ ПАЗНЕ КЕМЕМАНТЕ "КИЛЕЙ ОЗКС
13:32
ЭРЗЯНСКАЯ ТРАДИЦИОННАЯ РЕЛИГИЯ-ЭРЗЯНЬ РАСЬКЕНЬ ПАЗНЕ КЕМЕМАНТЕ "КИЛЕЙ ОЗКС
 
Килей озкс- Те озксось ловови вейсэнь велень озксокс.Коната ютавтови Кизень вешнема Кенярьксчиденть
                                                                                            

 мейле омбоце чинть. Велень ломанте мазыйстэ эрзякс оршазь, туить мартост озкскужов, аноксок-пазпалокс ,
прякат, брага, алт, ямкст ямонь-кашань пидемс, медьарво, поза. Озавась теи эрий тол ды чевкскесэ кирвазьтсы озкс толбандянть, Пазонь Штатолонть ды сырги озкс килей чувтонтень. Мельганзо кандыть мазый кшируця лангсо Шумбра-лувкши, лангсонзо кедьгинесэ медьарво. Пачалго лангс анокстыть чевкскеть ды сувтамо тикшеть, лездыцятне кандыть брага-пуре марто чакшт ды кечинеть. Мельгаст молить нудейсэ, кайгасо седицят, Килеентень пачкодезь, путсызь весементь озкс морга-стуворонть лангс, озавась Пазонь штатолстонть кирвасьтсынзе штатолнень конатнень туизь озксов сыцятне. Веси велявтыть чинть пелев, ды Озавась ушодсы озксонть, конатань евтыть мельганзо веси пуромозтне. Ламотне пульзить куманжа лангс, алост ацыть кедьпацят, кедест кепедьсызь верев.
Инешкипаз! Вере-Чипаз!
Тон, марицясь, кода тикше касы!

Тон, неицясь кода пеште панжи!

Неимизь, марямизь,
Сюконятяно пильгезеть,
Пшкадтяно валдо оймезеть.
Верев кепедьсынек кеденек,
Масторов нолдасынек сюкпрянок.
Ознотано эрицянок кис,
Ознотано раськенек кис,
Ознотано эйденек кис,
Паксясо видезенть кис,
Кардазсо ракшанок кис.
Инешкипаз!Макст тенек
Сэтьме лембе пиземеть,
Чачост-касост сюронок,
Касост-кепедевест тяканок,
Раштыцят, улест аванок,
Макст Масторонтень ладямо,
Вейкень-вейкеь вечкема,
Лисьмакс парот лисезэ,
Леекс эрьметь чудезе.
Кенкшпряваяк совазо,
Кеншалгаяк ютазо.
Минь Тонеть- Шумбракши!
Тон миненек –шумбрачи!
Ванстомизь, идемизь

Ятонь ломанде, ормадо-тармодо,
Апародо-зыяндо,
Даволдо-цярахмандо.
Вана пидинек ашо кеднесэ,
Вана панинек шожча мельнесэ,
Зяро кашасонть ямкстнеде,
Зняро макст эрьвантень ули паро.
Инешкипаз !Чангодть! Паз Чангодть! Паз Чангодть!
Озавась колмоксть сюкони.Весе масторос сюконить мельганзо. Озавась таго кепедьсынзе кедензе верев , ды евьтасы Покштятнень-Сэрдятнень Ине озолманть, терьдьсынзе сынст вейсэнь озксов.

Инешкипаз! Вере Чипаз!
Чангодть! Паз Чангодть!
Эрзянь Покшт-Покштинеть,
Покштянь-Покшавинеть!
Сырк мерезе Покштинеть,
Матразь-оймазь киськиненк,
Раужо човаля модыненк.
Вана тердтядызь Озксов
Кши-салонок варчамо
Пурень-Брагань корштамо.
Ашо кедьсэ панинек
Шожча мельсэ пидинек.
Садо ваксозонок
Човоряводо юткозонок
Начтынк коське турвиненк,
Пештинк вачонь пекиненк,
Таньшкавтынк сэпей кургиненк.
Кинь лемезе кундави,
Кинь лемезе стувтови,
Илядо кежиявто,
Веси тынь-седейсэнек,
Веси тынь-минек верьсэ.
Минь тынк эйсэ лисинек,
Минь тыненк велявтано.
Садо, весе садо!
Илязт уле ве ендо ваныцят,
Иляст уле сельмень сявадыцят.
Пачкодезе, Молезе! Паз, Чангодть!

Паз, Чангодть! Паз, Чангодть!
Озныцятне сюконякшныть, ды эрьвась терди эсензе Сэрдятнень вейсэнь ярсамос (озномсто евтни лемест). Теде мейле веси стить озкск килеенть перька. Озавась пшкади чувтонтень.
Килейкирди-Килява, ашо рунго мазава!
Од тейтерень Тонь чачот, мастор пешти Тонь мазыть.
Мон сюконян пильгезеть, пшкадян валдо оймезеть;
Иляк лово пежетекс, иляк аравто чумокс,
Зярдо рунгот керясызь, ашо кереть лутасызь,
Гайтев кайгакс ладясызь, лезев паргинекс стасызь,-
Иля керявто кедне, иля томбавто рунго.
Саик ознозь палонок, симик ознозь браганок.
Паз, чангодть! Верепаз, чангодть! Паз, чангодть!
Озавась «Я, Паз, Чангодть!» валтнень марто Пазонь штатолонть эйстэ кирвасьтьсынзе пачалгосо чевнень ды сувтамо тикшетнень, путы лангозост Шумбракшинть эйстэ скирдазь палне, ды сувтасынзе озныцятнень, мейле путсы пачалгонть килеенть алов. Колмоксть пурги килеентьлангс брагасо, аламошка каи юртозонзо-ундоксозонзо, кедень апак топавто паласы килеенть ды сюлми лангозонзо парсейведьме. Веси озныцятне истяжо паласызь сюконить килентень, ды сюлмить казнеть; эрьгеть, парсейть, мазый панкскеть, викшнезь кедьпацинеть, суркст. Озныцятне молить моргантень скирдыть Шумбракши пелькс, копордыть брагадо-пуреде. Ушодови морамо. Киштема, раськень налксемат. Знярдо карми анок озксонь ямось веси озыть вейсэ ярсамо.Мейле састынькине срадыть кудова.
Просмотров: 526 | Добавил: erzyany-rasyke | Рейтинг: 0.0/0 |
Всего комментариев: 0
Имя *:
Email *:
Код *:
» Форма входа

» Календарь новостей
«  Сентябрь-Таштамков 2007  »
ПнВтСрЧтПтСбВс
     12
3456789
10111213141516
17181920212223
24252627282930

» Поиск

» Друзья сайта

» Статистика


Copyright MyCorp © 2017
Сделать бесплатный сайт с uCoz