Мой сайт Суббота-Шлямочи, 29.04.2017, 20:30
Приветствую Вас Гость | RSS
Главная | Регистрация | Вход
» Меню сайта

» Наш опрос
Оцените мой сайт
Всего ответов: 369

Главная » 2007 » Октябрь-Ожоков » 20 » "Пингень отьматнес варштавкст/Взгляд в глубину веков "
"Пингень отьматнес варштавкст/Взгляд в глубину веков "
19:01
Пингень отьматнес варштавкст/Взгляд в глубину веков

Эрзянь-мокшонь Масторсо археологиянь науканть коензэ сюпавт. Теде минь кортнетяно республикань содавикс учёноенгь-историкенть, Н.П. Огарев лемсэ МГУ-нь доцентэнть Иван Митрофанович Петербургский марго.

— Иван Митрофанович, мейсто устававсь минек рсспубликасо археологиянь тевесь?

- Васенце эскелькстнэ теезельть 19-це пингенть прядовомсто, зярдо Пензань, Нижней Новгородонь ды Тамбовонь губерниятнесэ, эрзятнень ды мокшотнень эрямо таркасост, панжозельть кезэрень ламо памятникть. Мордовиясо ушодовкшнось Старозубаревань, Ефаевань, Рыбкинань ды Пичпандань калмазыртнень ды Жуковка веленть маласо кавто ошпандотнень ванкшномась.



VII-XIII-це пингень калмотнестэ муезь мазылькат:
1-3 – сюлгамо ды сёралат; 4-13 – суркст; 14 – тонгомапелень мазылгавтома; 15 - сёлмов салмукс марто сюлгамо; 16 -17 – сельмедемадо, зяндо ванстомапельть (амулетт); 18 – сюлгамо; 19-21 – кедькст.

Те тевесь седеяк виевгадокшнось 20-це пингень 20-це иетнестэ. Пек лездасть Московонь ды Саратовонь наукань центратне. Икелев од эскелькст теезельть келень, литературань, историянь ды экономикань Мордовской научно-исследовательской институтонть панжоманзо марго.
Войнадо икелень иетнестэ ванкшнозельть Каргашинань, Теньгушевань, Нароватовань ошпандотне, Ефаевань, Куликовань, Паньжинань, Сарлеень ды Коринань кезэрень калмазыртне. Тешкстазель: Мокша, Исса ды Ратор лейтнень чирева муезь памятииктнесгэ кой-конатне мик неолитэнь шкань. Войнадо мейле седе покш мель явовсь Мордовиянь чилисема енксонь районтнэнень, Ульяновскоень, Нижней Новгородонь ды Пензань областтненень.

— Ёвтынк, инеськеть, мезень кувалма чарькодтядо, кодамо шкань памятниктне?

- Те тевсэнть лезды геологиясь. Ванноманть туртов эрявикс таркастонть саеви мода. Кода содатано, весемесь калады. Зярдо те лиссь — ёвтасызь радиоизотоптне. Иетнень ёвтасынзе цецянь челькеськак: содазь, ламо пингень перть тикшетне-чувтотне моданок лангсо пек полавтовсть.

— Кодат муевкст кандыть икелень эрямо таркатне ды калмотне?

- Васняяк, тейтерьавань оршамопелькст (эрьгть, кедькст, прява цёко марго содомкат ды лият). Вастневить кудоютконь кедьёнксткак: чувтонь пенчть-вакант, сёвонень чакшт, пеельть, кечказт. Понгонить узереть, очкот, васоньбеельть... Ламо таркава муезь лишмень кильдемкат, ушманонь торот-налт.
Сеедьстэ вастневить Чилисема ёнксонь ярмакт. Улить пантекопееньгак, мезесь корты Боспоронть ды Рименть марто сюлмавкстнэде.
Оршамопелень сехте кезэрень мазылгавтоматнестэ, конатнень ютксо улить мик 2—3-це пингень, — гривнатне: эйстэст пек ламо муезь Андрейвелень марстонть. Сеедьстэ вастневить кшнань каркст, конатнес мазычинь кис понгавтневсть кшнинь пелькскеть, синдезь налонь петь.
Тейтерьавань калмотнесэ ванстовсть натой финнэнь-угрань вейсэнь эрямо шкань пряс путнемкат-сюлмсемкат. Эрьвасонть улить конява ды пиле ланга мазылькат, цёкот, черьбулонь вельтямот. Цекотне кшнинь баягине мартот, кемекстазь кшнань каркссо. Кой-кона понгавтовкстнэ молить сурке, нармунь, долине ёнов. Черьбу¬лонь вельтямотне истя жо мазылгавтовсть пижень пелькскесэ.
Тейтерьавань 2—3-це пингень калмотнень карамсто муезельть суликань эрьге марто кирьгашат, понгавтнема мазылькат. Сеедьстэ понгонесть мештьс понгавтома бляхат, конат лиясто понгавтневсть карксоскак. Кой-кона калмазыртнесэ вастневить ловажасто теезь повт, кальдердиця понгавтнемкат, кодазь кедькст, пижестэ валомань туртов кедьгеть. Меельце муевксэсь корты: валома тевесь ульнесь тейтерьаватнень кедьсэ.

— Ули меленк содамс, ванстовсть-арась оршамо-карсемапельть?

- Арась, Мордовиясо эзть ванстово. Секскак а содатано, ко¬дамо ладсо стазельть. Понгонесть ансяк коцтпанкскеть. Тесэ теть аволь Алтай, косо уловтне сёксня валовильть ведьсэ ды кельмильть. Минек ансяк пряс путомкатнестэ ды карсемапельтнестэ кой-мезе вастневсь. Сынст коряс содатанояк: карсемапельтнень анокстасть ракшань кедьстэ, мазылгавтсть. Тень коряс пек лаёмо макссь Ельникень буень Стародевической калмазыресь.



— Мезе ёвтатадо тюремань кедьёнкстнэде?

- Эйстэст ламо Андрейвелень марсонть, седе пек 1-це пин¬гень ды седе икельцень калмотнесэ. Муезельть тарвазонь кондят торот, ламо налт. Сура чирестэ таргазь кольчуга.
Вешнематне невтить: эрзянь тюрема кедьёнкстнэ сех пек ламолгадыть-сюпалгадыть ансяк 7—10-це пингетнестэ.

— А ёвтнесынк, кодат ульнесть калмамо койтне?

- Чувильть латко, ды уловось пултавиль. Чуросто вастневить калмот, конатнесэ уловстонть пулгавильть ансяк кодагкак пелькст. Мокшотне путылизь уловонть истя — прязо улевель лембе ёнов, эрзятне — пелеве ёнов. Калмасть вейкень-вейкень, чуросто ве калмосонть понгонить кавто эли колмо уловт. Теке марто эряви тешкстамс: 17-це пингентень пултамось тунь ёми.

— Пултасть сеске, калмамо таркасо?

- Те кевкстемась зярс кадови панжадокс. Ламот ловить, пултасть косояк калмонть маласо. Тень невтить покш толбандянь таркатнеяк, конатнесэ вастневить ловажат. Калмотнень чувсть толбандятнень перька, эрьва ёнов.
12—13-це пингень эрзянь калмотнева уловтне аштить кукорьгадозь. Паряк, те невти эрзятнень культурасонть кодамояк од ёнксонь чачомадо, кона ёмась монголо-татартнэнь каявоманть марто.

— Мезе содатадо эрямо таркатнеде, кудоюрттнэде?

- Эрзятне ды мокшотне эрясть лей, эрьке чирева ды вирь пот-мова. Эрямо таркатне мейсэяк эзть ванстово-кемекставо. Велинетне седе сеедьстэ ульнесть апокшт, кодаяк 5—7 кудот, 20—40 ломанть. Те секс, мекс эрямонть туртов весемесь саевсь пертьпельксстэнть, ко-нань уликсчинзэ а певтеметь.
Нама, апак учонь каявоматнеде ульнесть кемекставозь эрямо таркаткак. Те ошпандот. Сынь аштесть лей чиресэ, сэрей таркава, перькаст чувность латкот, кепсесть пандот. Кой-кона ошпандот-ненень 3 тёжадо ламо иеть.
8—9-це пингетнестэ ванстовозь археологиянь муевкстнэ кортыть ракшань кирдемань ды мода марто сюлмавозь тевтнень вадрясто молемадост. Тень кемекстыть кедьёнкстнэ: узереть, тарвазт, сокат, сабант. сянгот, пелюмат. Сынь аламонь-аламонь малавгадыть те-чинсетненень, кевстэ ды чувтосто теезетнень полавтыть кшнинсетне.

— Мезть эно кезэрень эрзятне видсть-пурнасть?

— Сюротнестэ — виш, шуж, суро, товзюро, розь. Виднесть
кансть, лияназ. Пивсэсть стака рисьмесэ, кувака палкасо, понжавтсть кедьсэ. Сюрось ванстовсь севонень эли кодазь покш кедьгесэ, кона нолдавиль чувозь латкос.

— Кирдсгь-арась кудоютконь ракшат?

- Кирдсть. Скалт, лишметь, тувот. Покш лезкс макссь охотась, калонь кундамось, мекшень кирдемась. Вирьстэ кундсесть покш ракшат-сярдот, идем тувот, овтот. Кедтнестэ стасть оршамопельть, ловажатне мольсть кедьгень-ашконь ды налкшкень теемс. Нумолотне, ривезтне, уртнэ, верьгизтнэ, миятне, нерьгазтнэ кундсевсгь кедест кисэ. Эрьктне-лейтне пешксельть калдо. Сеедьстэ вастневсть чалганось, улгалось, нучкось, сэрьгесь, сэнеесь. Эйстэст кундсесть мик кавксо килонь сталмосо!
Меденть эрзятне пурнасть вирьстэ — вешнильть ундов чувтот, конатнесэ эрильть мекшть. Седе тов ломантне сынсь кармасть мекше кудонь тейнеме, стявтнесть эйсэст мода лангс. Медьстэнть анокстасть эрьва кодамо симемапель, тевс мольсь штаськак.

— Раськесь, нама, вадрясто кодамо-штердемеякт маштсь?

- Пек мик. Тень ту ртов эрявстькак самай понась, канстесь, лияназось. Тевенть вадрясто молемадонзо кортыть коцтонь панкскетне, конатнень ламо таркава мукшныть минек археологтне. Понань коцтось сехте кезэрень. Парсеенсесь понгонесь ансяк ве таркасо, сон, бульчом, туезель Чилисема ёндо.
Эряви тешкстамс, 18-це пингентъ прядовомсто Мордовиясо Краснослободской уездэнь Дергановка ды Зайцева велетнесэ таргасть кшнинь руда. Эйсэнзэ солавтсть Орданьбуень уездэнь Ташинасо ды Краснослободскоень Авгуронь заводсонть. Кшнинть пидесть модас чувозь латкосо, кона теде икеле вадневиль севоньсэ ды куловсо.
Аламонь-аламонь кассь кузнецень тевенть эрявиксчизэ. Кшнинь кедьёнкстнэ эрявсть кудоютксо, тюремань тевсэнть. Веенст учёпойтнень валост коряс, торотне туезельть Мордовияв Чивалгома ёндо, Европасто. Васенцс-омбоце тёжань ушодовома иетнсстэ эрзятне тонадсть важодеме сиянть ды сырненть марто, конатнень туилизь костояк васолдо — тесэ арасельть.

— Ней зярыя валт микшнема тевденть.

- Минек раськенть эсензэ ярмаконзо кувать арасельть, сынст таркас якасть уронь кедтне. 1—5-це пингетнестэ микшнема тевесь вадрясто мольсь лембе ёнксонь мастортнэнь марто. Мейле, кода тосонь оштнэ лавшомсть, лавшомгадсть мартост сюлмавкстнэяк. Башка ёвтатано рузтнэде. Сынь аламонь-аламонь эцесть эрзятнень эрямо тарказост, човорявсть юткозост. Кандсть тенек эсест марго од, сынськак ламо сайсть.
Эрзятне ды мокшотне микшнесть сюро, идем ракшань сывель, кедть, медь, калт, кшнинь кедьёнкст ды лия мезе. Мертяно, Ново¬троицкой ошпандостонть муезь сюлгамот, тарвазонь кондямо гривна. Пуркова велень марстонть муезь черьбулос понгавтневи-ця цё'кот, Сынь пек молить Шокшань калмазырьстэнть таргазет-нень ёнов. Минек культу рань пелькст истя жо вастневить Новго-родонь ды Псковонь модатнесэ. Лиякс меремс, эрзятнс аволь ан¬сяк сайсть лиятиень пельде, сынськак микшнссть-явшесть эсь муевкстнэнь-теевкстнэнь.

Кортниманть ветясь Елена Лапицкая
Саезь «Сятко» журналсто, № 2, 2006 ие
Просмотров: 436 | Добавил: erzyany-rasyke | Рейтинг: 0.0/0 |
Всего комментариев: 0
Имя *:
Email *:
Код *:
» Форма входа

» Календарь новостей
«  Октябрь-Ожоков 2007  »
ПнВтСрЧтПтСбВс
1234567
891011121314
15161718192021
22232425262728
293031

» Поиск

» Друзья сайта

» Статистика


Copyright MyCorp © 2017
Сделать бесплатный сайт с uCoz