Из выступлений на Инекужо: Кода тенек эрямс седе тов? Как нам
жить дальше?
Кода тенек эрямс седе тов? Как нам жить дальше?
***************************************************
Эрзянь раськенек ней ашти кулома икеле. Видьстэ меремс,
икеленек кулома икелькс. Ансяк истя лемдяви Эрзя раськенек
неень шкань эрямозо.
Тень невтизе 2002 иестэ Рузмасторонь келес ютавтозь ломанень
сёрмадстомась-ловомась. Эрзянь раськенть покшолмазо киртявсь
25-30 процентс.
Эрзянь интеллигенциясь, минек сехте превей ломантне, истямо
берянь тевень неезь, мерят, теке зыянонь баягас чавить, ловить
- раськенек эрязасто айги калмос.
Мень тувталт аравтымизь минек, эрзятнень, те чопода отьманть
чирес?
Нурькинестэ, мерема истя: тувталтнэ—Рузмасторсо ютавтовиця
политикасонть. Чиновтникне а ваныть а меленек, а мелявксонок,
сынст арась мелест неемс минек раськенть стакачинзэ.
Властесь а несы се зыянонть, кона парсте неяви ютавтозь
ломанень сёрмадстома конёвтнэсэ.
Политикась, конанень мерить раськень эрямонь,
кельгетазь-теиньгавтозь ансяк фестивалень-покшчинь ютавтомас.
Весе сеть сэредькстнэ-мелявкстнэ, конатнеде кортасть эрзянь
цёратне ды аватне «мордвань» промкстнэсэ, путозельть
чиновникень стувор потмонь паргос.
Эрзянь келесь, культурась, эрямопингень содамочись панезть
эйкакшонь кужотнестэ, школатнестэ, радиосто, телеваномасто,
важодема таркасто, государствань тевкудосто. Сон арась
микшнемакудотнесэ, ломанень тевветямо кудотнесэ, ошонь-велень
ушосо-куринкасо, невтема лазсо, яволявкссо. Те невти - Эрзянь
келесь арась эрьва чинь эрямосонть.
Арась эрзянь келесь - арась эрзянь раськескак. Сестэ арастькак
сонзэ стакачинзэ, эрямонь кевкстеманзояк. Истямо чиновниктнень
мелест.
Мейсэ минь, эрзятне, явовтано неень шкатнестэ лия раськетнень
эйстэ?
Васняяк, пек алкине минек превсэнек-оймесэнек эрзянь мелесь,
эрзянь оймеёжось.
Секскак ламот эйстэнек нейгак кемить утопиянь мелентень, келя
вере властесь лезды тенек ванстомс келенек-раськенек.
Те а истя. Минденек башка эрзянь келесь, эрзянь раськесь
киненьгак эзь эряво, а эряви ды а карми эрявомояк.
Ламо пингень перть Рузмасторось саи эрьва эрзянь ломаненть
кедьстэ а вишкине каявкст: седикеле сайнесь медьсэ, сюросо,
штасо, уронь кедьсэ, сывельсэ, лиясо мейсэ. Ней а вишка
каявкстнэ саевить ярмаксо. Эрзянь од цёратне ламо пингень
перть сайневить ушманокс-некрутокс рузмасторонь ушмовиентень
ды путыть пряст-эрямост, шумбрачист певтеме торпингень
паксятнева Рузмасторонть кис. Эрзянь ломантне сайневить идем
паксянь кепедеме, сокамо-видеме, од ошонь ды заводонь стявтомо
Эли те аволь эрзянь раськенть путовксозо Рузмасторонть
кемекстамонтень?
Мекс сестэ Рузмасторось а максы эрзянь эйкакштнэнень
тонавтнемс эрзянь кельсэ, марямс-неемс информация эрзянь
кельсэ кода эсь республикасонтькак, истя лия таркатневаяк,
косо эрзятне эрить вейсэ?
Эрзянь меленть, оймеёжомарямонть лавшодояк лавшочизэ - парсте
неяви эрзянь ломанень вейсэндявксонь аламоксчисэст.
Эрзянь раськенть неень шкань ламоксчизэ -малав 500 тёжат. Тень
пингстэ эрзянь ломанень вейсэньдявкстнэде ней кеменьшкаяк
арасть.
Те - аволь ансяк прев валдомтома тевень лавшочинзэ невтевкс.
Течинь ды вандынь васень тевенек истямо - эряви ламолгавтомс
эрзянь ломанень вейсэньдявкстнэнь ламоксчист, раськень
ванстома тевс путовксост.
Секскак икеле аштиця эрямонок веши аволь стяконь кемемат
чиновникень лезксэс. Эрьва эрзянь ломаненть пельде эрямось
веши раськенек кемекстамос путонь эрьвачинь тевть.
Эряви кирдемс-кемекстамс эрзянь ломанень улике
вейсэньдявкстнэнь.
Эряви теемс од прев валдомтома вейсэньдявкст. Эрзянь
ярмакпаргот.
Сынст вельде эряви пурнамс вейс весе эрзянь раськенть, уликс
виензэ. Эрзянь вейсэньдявкстнэнь вельде кармавтомс
государстванть топавтомо раськень праватнень, конат кемекстазь
Рузмасторонь Койундокссонть (Конституциясонть).
***
Как нам жить дальше?
***************************
Демографическая катастрофа. Только так можно определить
современное положение Эрзя народа.
Это показала всероссийская перепись 2004 года. Численность
нашего народа сократилась на 25-30%.
Эрзянская интеллигенция, лучшие умы народа, видя такое
положение дел, бьют во все колокола, считают, что наш народ
поставлен у грани исчезновения.
Какие причины поставили наш народ перед этой перспективой?
Кратко можно сказать так: причины - в проводимой чиновниками
политике полного игнорирования проблем и трудностей нашего
народа.
Власть не замечает катастрофического положения нашего народа,
даже не считаясь с результатами переписи населения.
Так называемая национальная политика сведена до проведения
фестивалей и праздников.
Вся боль и переживания сынов и дочерей эрзянского народа за
его будущее, высказанная на проведённых «мордовских» съездах
осталась в ящиках столов чиновников.
Эрзянский язык, иже с ним эрзянская культура и история изгнаны
из детских садиков, школ, культурных учреждений, радио,
телевидения, из производственной жизни и государственных
учреждений. Языка нет в магазинах, сфере обслуживания, на
улицах, вывесках, объявлениях.
Нет эрзянского языка - нет эрзянского народа. Нет и его
проблем. Такова позиция чиновников от власти. Это значит -
языка нет в повседневной жизни.
Чем мы, эрзяне, отличаемся в настоящее время от других
народов?
Прежде всего, у нас очень низко национальное самосознание.
Поэтому многие ещё верят в то, что в спасении нашего языка и
народа от исчезновения нам поможет, мол, власть.
Это не так. Кроме нас самих эрзянский язык и эрзянский народ
никому не нужен и никогда никому и не будет нужен.
В течение многих веков государство получает от каждого
эрзянина немалые налоги: в прежние времена мёдом, зерном,
воском, пушниной, мясом и т.д. Теперь налоги взимаются
деньгами. Эрзянские юноши и мужчины в течение многих веков
призываются в армию и кладут головы на полях войны за Россию.
Поколения эрзянских мужчин и женщин вербуются на освоение
целинных земель, на строительство городов и заводов.
Это ли не вклад эрзянского народа в благосостояние России?
Почему же тогда страна отказывает эрзянским детям в праве
обучаться на родном языке, получать информацию на родном языке
даже в своей республике и в других регионах компактного
проживания?
Слабостью эрзянского самосознания и патриотизма объясняется
столь малое количество эрзянских общественных организаций.
Численность Эрзя народа, даже при грубом подсчёте, около
500000 человек. А эрзянских общественных организаций не
наберётся и десятка.
Это - не только показатель слабости нашей просветительской
работы. Увеличение числа эрзянских общественных
организаций—главная задача сегодняшнего и завтрашнего дня.
Поэтому, забота о будущем эрзянского народа требует не
утопической веры в помощь чиновников. От каждого эрзи она
требует каждодневных дел по спасению и укреплению народа.
Нужно поддержать имеющиеся эрзянские общественные организации.
Нужно создавать новые общественные, культурно-просветительные
организации и фонды.
С их помощью консолидировать эрзянский народ, добиваться от
государства реализации закреплённых в Конституции РФ прав
народа.
Эрюш Вежай, Эрзянь Чиряз
Инекужо и эрзянь келень Чи - праздники эрзянского народа
Более 10 регионов РФ были представлены 93 делегатами на форуме
эрзянского народа. Были большие опасения, что наши с вами
демократические органы власти, используя все свои рычаги
давления, не допустят приезда делегатов на Форум.
Но Инекужо – Конгресс состоялся. Перед этим днем оргкомитету
Инекужо, во главе Инязора Кшуманцянь Пиргуж (Мусалёва Г.Д.),
пришлось в полной мере насладиться либеральными ценностями
толерантности РФ. Практически всем руководителям, имеющим в
распоряжении актовые залы, было дано указание отказывать в
предоставлении помещения для проведения Инекужо. Были не
двусмысленные намеки со стороны чиновников, угрозы,
оскорбления и как всегда приклеивание ярлыков (националисты,
радикалы, и т.д.) на тех, которые уже более 15 лет борются за
равные возможности развития многострадального эрзянского
народа. Но мы в своих действиях опираемся на законы и
Конституцию РФ, где черным по белому написано: каждый человек
имеет право идентифицировать свою этническую принадлежность по
своим убеждениям и этническому самосознанию. Состав делегатов
был очень разный: бывшие работники спецслужб, учителя, деятели
культуры, писатели, работники сельхозпредприятий, рабочие,
предприниматели, национальные журналисты. За официальные
власти пришлось краснеть Александру Лузгину, председателю
Госкомитета по национальной политике Мордовии. Мордовский
исполком не был представлен никем. Взамен карманный исполком
за 3 дня до Инекужо и Дня эрзянского языка сделал две
провокационные вещи. Во-первых, это в приказном порядке были
собраны и свезены в Саранск ученики и учителя сельских школ и
был проведен день родных языков «Вейсэ-марсо», чтобы
устоявшийся по всей России праздник эрзянского языка 16 апреля
заменить, стереть с памяти. Не вышло. День эрзянского языка,
как и раньше, проводился и будет проводиться 16 апреля. Кроме
того, в газетах было напечато обращение якобы состоящегося
Совета исполкома Мордовского межрегионального движения. Перед
переписью 2002 года, где было заявлено, что под обращением
подписались даже Табаков и Кадышева, которые в глаза не видели
это обращение. Так и на этот раз. «Умные головы» состряпали
текст и приписали всех входящих в совет. Под этим обращением
не проставлены ни дата, ни место проведения, где якобы
состоялся совет. Не были приглашены ряд членов Совета, как
Рябов П., Ерюшев Б. и другие. «Ошибочка вышла» в итогах
переписи в Мордовии. Несмотря антиэрзянскую и антимокшанскую
пропаганду, 80 000 написали свою национальность - эрзя и 50
000, как мокша. В других регионах по указке сверху почти всех
записали мордвой - и эрзян, и мокшан. Это в нарушение их
конституционных прав. В этом обращении ложь и нападки на
газету «Эрзянь Мастор», единственную независимую газету,
которая защищает интересы не только эрзянского, мокшанского,
но и финно-угорских и тюркских народов. Нас лживо обвинили в
сталкивании мокшанского и эрзянского народов. Ни в одной
резолюции, ни в одном выступлении не найдете намека и на
разъединение. Мы боремся за право называться эрзянским,
мокшанским народами, а не нести прозвище мордва. Ни в
эрзянском, ни в мокшанском языках нет слова мордва. Мордвин -
это прозвище, данное нам колонизаторами. Братья финно-угры,
подумайте, какой лжец стоит во главе исполкома Ассоциации
финно-угорских народов РФ - это господин Михаил Мосин. Вы
думаете, что этот исполком будет защищать интересы наших
народов? Нет. Я призываю всех финно-угров обратиться с
совместным заявлением о недоверии к данному Исполкому. Иначе
все наши с вами независимые от чиновничьего беспредела
финно-угорские движения будут очернены и уничтожены.
Пургазонь Викай, Вал Эрзянь Инекужодонть
Те чадыковонь чись монень а стувтови зярдояк. Арседе
тынсь—омбоцеде Саран ошсо эсест эрзянь мельсэ промсть эрзят,
аволь «мордват». Эсень эрямосо, ялгат, те чинть свал карман
ловомо Инечикс! Те тенк аволь эрьва иестэ ламо масторга якиця
евреенть Иисусонь одс чачомась…
Чадыковонь 16-це чись—те Эрзянь келень Чи, конань ютавтомо
кенярксчинь койсэ бажи эрьва ванькс ойме эрзясь. Сэтьме
пизементь ало мон ськамон шешкинь редакциянь кустемпенть,
учинь нупалень азортнэнь. Ды вана редия эсензэ Пиргуж
Инязоронть. Седейшкава кутмордынек. Совинек Фондонь-редакциянь
нупальс. Сеске мельганок Пенза ёнксонь эрзятне Бурашников Олёж
ды Фрольцов Дригань Витя. Нупалесь кармась пешкедеме инжесэ.
Ды вана, окойники, мон васенцеде вастовинь Мацьказ Лёфай
марто! Талномадонть сорнозь вайгельсэ ёвтынь лембе валт тензэ
ды сюконинь казненть кис—сон монь чачома чинтень (чадыковонь
8-це чи) кучизе Кузьма Абрамовонь эрзянь кельсэ книганть
«Пургаз». Лёфай леляй, ёртык таргамонть «мордватненень», ульть
свал шумбра ды чуморксов! Топавтык мелем, Шемышейкань вирень
сыре овто…
Мизолдозь совась, эждимизь чевте вановтсо, Викай. Келейстэ
эскельдясь тарчксонть трокс Полярный ошонь инжесь, чирязось
Эрюш Вежай. Ялаксокс теевсь тень те иневедень верьгизэсь. Ды
вана Инязоронь омбоце Чирязось сонсь Видяз лелясь
шумбракстнесь весень марто. Весень минек эрзянь мельсэ
тонавтыцянок ды ветицянок, минек тиринь кулялопанть нолдыцязо.
Ламо иень кувалма теть щумбрачисэ эрямо! Мельганзо совась
мазый, ёлганя рунго Видязнэнь лездыцясь Ольга—алкуксонь эрзянь
тейтерь.
Инекужонь кудов сыргамсто ушосо кутмордынек алкуксонь ялганть
марто. Те ульнесь Гайнинькань Пичай (Гаврянь Петра). Сеске
ёвтаса, сон, Пузиков Сега ды Тактаев Витя марто мейле кудов
туемстэ ильтимизь таксисэ Рузаевкань вокзалов. Сюкпря тенк,
алкуксонь оят! Башка сюкпря ёвтан Хуторов Валентиннэнь ды
Пузиковнень инжекс тердемаст кис. Шка эзь ульне, ялгат.
Промксонь кудосонть вастовинь Шарононь Сандра марто.
«Масторава» эпосонь сёрмадыцясь чатьмониця, рунгозо—од цёрань.
Озынек залсонть лавтовсто лавтовс. Карминь улеме содавикссэкс
Ковалева Татю патянть ды Ключагин Петра марто. Минек покш
поэтэсь Любаев атя шнынзе монь сёрмадовксттнэнь ды лембе валсо
тешкстызе монень алтазь стихензэ пусмонть «Сюкпря». Сырнень
атят пурнавсть!
Мон свал ловинь Лёфаень публицистикас тонавтыцякс. Сон жо
путызе лавтовом лангс кедензэ ды яволявтсь: «Толай, тонь
статьятнень ловномадо мейле мон колмо чить киштезь якан!»
Эзинь учо истямо шнамо, тунь талакадынь…
Истя жо апак учо тердимизь сцена лангс ды Инязорось казсь тень
шнамо лопа, книга.
Сюкпрянь ёвтамсто мон поводинь Инязоронть ды Чирязонзо мештьс
эсень кедьсэ теевть Эрзянь Чартявксст Чипазонь парцунсо.
Весень мельс тусь монь казнесь.
Эрзянь келень кенярксчись поладовсь Инекужонть ушодомасо ды
мон Самара ёнкссонь эрзятнень ёндо ульнинь кочказь Атянь эземс
(президиум).
Кортыцятнеде ульнесть байтяк. Весе прасть вейке
мельс—раськенек пачтязь калмо чирес… Весень пряудемсэ
чавсь-велясь мель: мезе нейке эряви теемс?!
Эсень арсематнень «ЭМ»-нь ловныцятненень ёвтасынь лия
статьясо. Нейке жо вана мезе нурькинестэ ёвтан. Минек
калмицятне а удыть—ярмакт тень кис тенст явить… Мосинэнь
раськень мииця Исполкомось ды АФУН-сь топавтыть русификациянь
ды мордвинизациянь раужо тевенть. Кияк эзь ульне Саратов ды
Ульяновкс ёнкссто, а Самара ёнксонь вейсэндявкстнэ ваясть
фольклоризациянь эрькс ды лепиявтыть вейке-вейкень. Секс сынь
тосто ансяк ськамон …
Вана кармась кортамо Биушкина Маря патясь. Лисни, те сон
нолдызе Четвергов Женянь эрзянь виде кияванть ды кодамо
каштанчисэ сон кортась эсензэ пек умонь тонавтницянть эйстэ!
Илязо сезеве те рисьмесь: Биушкина—Четвергов—Эрюш Вежай,
Аношонь Тумай, Дригань Толай ды истя певтеме…
Ветицянь ды тонавтыцянь толось палозо свалшкас! Монгак вешнян
эрзянь толсо палыця седейть. Эрзят эрить эрьва косо. Свал
сермадстан вете «ЭМ»-нь лопа лангс. Пурнавсть эйстэст кескав.
Кизна карман явшеме эйсэст вокзалга, электричкасо, наймансо,
эрзянь велетнева. Ансяк минек сырнень питнесэ «Эрзянь Мастор»
кулялопанть ловнозь сыргози эрзянть мештьсэ валдо ёжось ды
каштанчись. Муевить ды касыть минек ине тевенть поладыцят.
Истямо эрзясь мейле сонсь мусы виде кинть. Неждямка тенек,
ялгат, од эрзятнень лангс. Нежекс улезэ тенек кулялопась
«Эрзянь Мастор»! Сон минек пурнымизь Эрзянь келень чистэ
Инекужов!
Дригань Толай, Олёжвеле, Самара ёнкс
|
