залтнэ виев цяпа-мосо кувать эзть нолдтне сцена
лангсто сонзэ моры-цятнень ды, васняяк, Надежда
Кадышевань, эрзянь мазый аванть, конань вай-гелезэ
токши ойметь, кепеди менельс. Течинь минек
ёвтнеманок Надежда Кадышевадо ды сонзэ
ансамблядонть.
Кияк а соды, кодамо улевель сонзэ уцясказо, бути а
вечкемась, кона сюлминзе талантсо казезь кавто
ломантнень — Надежда Кадышевань ды мирдензэ,
компози-торонть ды музыкантонть Александр
Костюконь. Вейсэнь эрямодост кортыть ансяк
вад-рясто, «ожо прессасто» ялгатненьгак а кепедеви
кедест сёрмадомс сындест таго-мезе берянь. Мезе
мерят, зярдо «Сырнень сурке» ансамблянть, сонзэ
свалшкань солистканть Надежда Кадышевань морост
эждить модамасторонь ламо миллионт ломанень
седейть.
Та-кода весть вейке интервьюсонзо Александр Костюк
ёвтызе вейсэнь творчествадост мелензэ: «Стака
эрямонок лангс апак вано, минь бажатано ванстомс
рузонь моронть сы шкань эрицятненень». Истя
лиеськак. Сынь макссть раськень моротненень од,
неень шкань гайгема, лекстясть эйзэст од эрямо.
«Сырнень сурксонть» гайтензэ кепедить Александр
Костюконь лия ёнов а молиця аранжировканзо,
музыкантнэнь ёрокчист ды косояк а вастневиця
Надежда Кадышевань вайгелезэ. Альбомост нолдавить
ды сеске микшневить миллиононь тиражсо. Ней,
паряк, а муеви Россиясо истямо тарка, косо аволь
гайге Надеждань оймев, ванькс вайгелезэ, кона
теизеяк сонзэ неень шкань вельть вечкевикс
морыцякс.
Зярыя иеде теде икеле «Сырнень сурке» ансамблянть
альбомсонзо кармасть лиснеме А. Костюконь моронзо:
«Чуди чудикерькс», «Мон аволь муницян», «Казть
тень, килейне», «Тук эйстэнь, горя» ды лият. Неть
моротне курок теевсть хитэкс. Сынст сёрмады Надянь
ту ртов. Лиякс меремс — сон сонзэ МУЗАЗО. Талантсо
казезь неть кавто ломантнень творчествань виест
касы чистэ чис. Секскак весе кемить: сынь седе
товгак казить лия ламо, оймес педиця морот.
Надя чачсь 1959 иень аштемговонь (июнь) 1-це чистэ
Татарстанонь Альметье-вань райононь Горки велесэ.
Эйкакшпингеде ледстнеманзо сюлмавозь Сыре Маклауш
веленть вирензэ, леензэ ды сэрей пандонзо марто.
Те велесь ашти Самара ёнксонь Исаклань райононь се
песэнть, конань малава ютыть Оренбургонь ды
Татарстанонь марто границятне. Тетязо, Никита
Михайлович Кадышев эрзясь, важодсь чугункань ки
лангсо мастерэкс, авазо, Анна Андреевна, озясь
кудоютксо трясь-кастась эйкакшт. Семиясост свал
ледстнесть, келя, Кадышевтнень покштяст вельть
сюпаволь, ялатеке Надянь чачомадо мейле семиянь
сюпавчист лововсь ансяк тейтерьсэст. Семиясост
уличи зярдояк арасель, аваст шумбрачизэ лавшоль.
Тень лангс апак вано сон свал бажась эйкакштнэнь
андомс, оршневтемс парсте, илязо уле визькс лиянь
эй стэ. Секс нужачиськак печтявсь шождасто.
Надя кассь наян, озоровиця тейтерькакс. Вишка
пингстэ саезь вечксь «театрасо» налксеме. Кадык
сестэ театрасо вестькак арасель, мельтне-бажамотне
усксть эйсэнзэ тов. Шаршавсто тейнесь палят,
балерина ладсо якась пильге сур лангсо. «Карман
артисткакс», — патянстэнь-сазоронстэнь яволявтсь
Надя.
Эйкакшпингезэ, кадык кажовольгак, аванзо ды тиринь
кудонть кувалма уцяскаволь. Ансяк апак учне сон
прядовсь. Ормась нельгизе 42 иесэ аванзо эрямонзо.
Вишка эйкакш марто кадовозь, пельиень ютазь
тетянстэнь савсь урьвакстомс оде. Кудос эсь
эйкакшонзо марто сась одава. Курок Вера патязо
тусь важодеме заводов, Машань кучизь родняст
туртов Северэв, Надянь ды Любань максызь
Бугульмань школав-интернатов. Тетяст кучнесь тенет
сёрмат, лияето, ода-ванть эйстэ салава, ярмакткак.
Тиринь кудодо мейле интернатсо эрямось ульнесь а
шождыне, ансяк сон ке-мекстызе Надянь обуцянзо.
Тейтернесь теевсь аламо кортыцякс, тень таркас сон
шкадо икеле «покшолгадсь». Кияк эзь содаяк —
эйзэнзэ кекшезель музыкань парсте
марямо-чарь-кодема ды гайтев вайгель. Та-кода
весть уроксо, зярдо интернатсо анокстасть моронь
конкурсов, сон апак учне гайтевстэ «таргизе»
«Орлёнок» моронть.
Морамозо дивавтынзе весень, ды се шкастонть сон
теевсь интернатонь «тештинекс». Ливтязь ливтясть
тонавтнемань кавксо иетне. Надянень арсемаль, кода
седе тов эрямс. Маша патязо сестэ уш эрясь Москов
ало, важодсь сурень штердемань фабрикасо. Сонензэ
саськак Надя. 14 иесэ саизь фабрикав. Васня тензэ
стакадо стакаль: савкшнось стякшномс валскень 5
чассто, тевезэ а шождынель. Лездась тензэ
музыкантень ды морамонтень вечкемазо. Эрсесь,
цехсэ саиль кедезэнзэ микрофононь таркас сурень
штере ды, станоктнэнь юткова яказь, морыль морот.
Ялганзо мельс сынь пек тукшность, секс кисэнзэ
норманзояк топавтнесть. «Морсинь, васняяк, се
шкань эстрадань содавикс моротнень», — ледстни
Надя.
Сехте гайтевстэ морась Г. Пономаренконь «Казть
тень паця» моронть. Яксесь художественной
самодеятельностев. Седейстэнзэ эзь тукшно
музыкальной училищасо тонавтнемадо бажамось.
18 иесэ Кадышева сась Московов — терявтеь понгомс
Ипполитов-Иванов лемсэ музыкальной училищав
тонавтнеме. Апак анокста тень теемс ульнесь вельть
стака. Секскак иень ютазь Надя кармась тонавтнеме
анокстамонь отделениясо, понгсь Николай Михайлович
Тасенконь классос. Тонавтнеме а шождынель, аламо
савсь удсемс, яксемс пельевачодо. Эрзянь кеме
обуцясь лездась тензэ изнямс: Н. Кадышевань саизь
васенце курсос.
Ушодовсь од эрямозо — студентэнь шказо. Надя од
вийсэ кундась тонавтнеме. Ма-зый вайгелесь, тевень
вечкемась явизь лия студентнэнь ютксто. А стяко уш
3-це курссо Кадышевань тердизь Москонцертэнь
«Россияночка» квартетэв морамо. Ушодовсть
репетицият, концертт, гастрольть. Квартетэнть
репертуарсо ульнесть раськень морот. Та-кода
весть, эстрадань моронь конкурсов анокстамсто,
саезель А. Монасыповонь «Ливтясть ашо нармунть»
морось ды максозель сонзэ морамс Надянень. Сестэ
васенцеде паро ладсо редизьгак Кадышевань — од
мазый морыцянть, конань вайгелезэ а моли лия ёнов.
Ансяк тейтересь эзь сода, кодамо карми сы шкань
уцясказо.
А уцясказо якась ваксканзо. Общежитиясо, косо
эрясть музучилищань ды Гнесинтнэнь лемсэ
институтонь студентт, Надя вастовсь цёра марто,
кона велявтызе весе эрямонзо. Те ульнесь Александр
Костюк. Кивчкадсь седеесь. «Сон карми монь
мирдем!» — арсезевсь сон. Ниле иеть вечксь эйсэнзэ
апак видькста, киненьгак апак ёвтне, майсезь.
Сонензэ седе маласо улемась, паряк, лездастькак
тензэ понгомс тонавтнеме Гнесинтнэнь лемсэ
институте. Кармась тонавтнеме Нина Константиновна
Мешко профессоронть классо.
1983 иестэ Александр прядызе институтонть ды апак
учне мерсь Надянень лисемс экшезэнзэ мирденень.
Тона часиядонть анок ульнесь ливтямс менельс —
топавтовсь бажа-мозо. Александр тонгсь сурозонзо
сырнень сурке. Иень ютазь чачсь цёрынест, конань,
покштянзо ладсо, лемдизь Гринякс. 8 иень ютазь
сынь таго полавтызь венчамонь сурк-сост — те
ульнесь Сан-Францисконь храмсо, косо венчасть.
Истя уцяскась сюлминзе талантсо сюпав кавто
ломантнень, казсь тенет часия, цёра ды
творчествань вейсэнь мельть-бажамот, конатнень
сынь, стакачинь печтязь, ютавтызь эрямос «Сырнень
сурке» ансамблясонть.
Те лиесь, нама, а сеске. 8 иеть Надежда Кадышева
важодсь «Россияночка» ансамблясо, те шкастонть
прядызе училищанть ды Гнесинтнэнь лемсэ
институтонть. Квартетэсь ламо якась гастрольга
минек масторга ды сонзэ томбальга, ульнесь кавксть
Афганистансо. Надянь каесь морамонь ёрокчизэ,
кемекстась сцена лангсо улемань опытэзэ. Ды седе
сеедьстэ нинть ды поланть превс сакшнось арсемась:
теемс эсь ансамбля. Покш мелесь ульнесь — свал
улемс вейсэяк.
Сась 1989 иесь. Сон кармаськак «Сырнень сурксонть»
чачома иекс. Мольсь перестройкась. Шкась а
шождынель. Ансяк Кадышева ды Костюк эзизь жаля
Америкасо кавто ковонь гастрольтнесэ таштазь
ярмакост ды pa масть ансамбляст туртов аппаратура,
ставтеть костюмт. Костюконь превсэ умок «кенерсь»
бажамо: вейсэндямс кезэрень музыкальной
инструментнэнь неень шкань электроннойтнень,
васняяк, синтезаторонть марто ды теемс-арсемс
содавикс моротненень од аранжировкат. Истя чачсь
од ансамбля, кона вельть явовсь лиятнень эйстэ.
Надежда свал ульнесь Александр ёно, виде, эсь
валонзояк эзь пеле ёвтамо. Сондензэ башка,
ансамблясь вейсэндинзе балалайкасо седицянть
Виктор Надымовонь ды пианистэнть Андрей
Куреденконь.
Васенце гастролест ютасть Германиясо. Важодемс
савсь ресторансо, эрямс берякшке гостиницасо, покш
ярмакто а мезть ульнесь арсемскак. Ялатеке
появасть вечкицяст, конат сакшность кунсоломост.
Ансамблянть зярс арасель лемезэ. Весть, Берлин
алдо концертстэ велявтомсто, апак учне Костюк
рангстась: «Сырнень сурке!!!» «Те минек
ансамблянть лемезэ», — мерсь ялганстэнь. Ды
толковизе — те кемемань ды вечкемань тешкет.
Германиясо важодемась теевсь ансамблянтень паро
школакс. Тесэ лиесь «Калинка» Ba сень альбомозо.
Кадык сон лавшольгак, ялатеке васенцель...
Германиядо мейле ансамблясь седе ламо якась омбо
масторга — США-в, Бельгияв, Швейцарияв, Боливияв
ды лияв.
Ансамблянть туртов астувтовиксэкс кадовсь 1995
иесь. Те шкантень сон таштась покш опыт,
сюпалгадсь репертуарозо ды, мезе сех-те вадрясь,
пек ламот кармасть вечкеме Надежда Кадышевань
вайгелензэ. Кемекстась «Союз» студиянть марто
сюлмось. Ансяк 1995 иестэ «Союзось» нолдынзе
«Чуман-арась мон...», «Чуди чудикерькс» ды
«Нусманя варма» альбомонзо. Нурька шкас сынь
рамазельть! Кияк эзь учне: раськень моротне
«изнизь» «попсатнень». Ансамблядонть кортазевсть,
сонзэ шнасть. Виде, кой-кить учость, келя, курок
сон «лепами». Течимс яла учить!
Мокшонь поэтэнть П. Черняевень валонзо лангс «Чуди
чудикерькс» А. Кос-тюконь морозо теевсь раськень
хитэкс. Мейле чачсть «Веле пе», «Рав леесь»,
«Велень ки», «Умарень чокшнэ» ды ламо лия моротне,
конат сёрмадозельть В.Степанов поэтэнть марто
вейсэ. Мейле лиссть од альбомт-бестселерт: «Мазый
сельминеть», «Тук, горя», «Мазый роштя».
1995-це иестэ ансамблясь казезь «Овация»
Национальной премиясо, конась мейле тензэ
максневсь тагояк — 1996-це, 1998-це ды 2000-це
иетнестэ. Изнявксонь саемань кис Надежда
Кадышеванень максозельть Мордовиянь народной
артисткань ды Россиянь Заслуженной артис-ткань
лемтне. Вельть лембестэ вастозельть ансамблянть
васень концертэнзэ Московсо ды Санкт-Петербургсо.
Ней уш афишатнесэ покш буквасо сёрмадовсь Надежда
Кадышевань, седе вишкинестэ — «Сырнень сурке»
лемтне. Ломан-тне молить Кадышевань кунсоломо! Сон
теевсь весенень вечкевиксэкс.
1999-це иестэ Александр Костюкнень максозель
«Россиянь Заслуженной артист», Надежда
Кадышеванень — «Россиянь народной артистка» покш
лемтне.
Ней ансамблясонть ламолгадсть музыкантнэ, пурнавсь
балетэнь труппа, панжозь технической цех, теевить
од декорацият. Концертэнь программатне теевсть
театральной мазый шоукс. Тесе, мезес бажасть
Надят-Сашат: ули эсест театраст. Сонзэ лемезэ —
«Сырнень сурке» раськень музыкань ды моронь
Национальной театра.

Саезь «Поёт Надежда Кадышева и «Золотое кольцо»
моронь пусмостонть